8.
| 1 | Unde puto dixisse Apostolum (I Cor. XV, 28), quia tunc et ipse Filius subiectus erit, qui ei subiecit omnia: qui enim adhuc laborant, nondum subiecti sunt, in quibus fortasse adhuc sitit Christus, adhuc esurit, in quibus nudus est; eo quod non impleant verbum Dei, non induant Christum, qui est indumentum credentium, amictus fidelium. |
| 2 | Sed et illi in quibus aeger est, adhuc medicina indigent; et ideo nondum subditi; subiectio enim ista virtutis est, non infirmitatis: denique in fortibus et facientibus mandatum Dei, subiectus est Dei Filius. |
| 3 | Nunc autem magis in iis laborat, qui non subveniunt laborantibus, quam in illis, qui sibi postulant subveniri. |
| 4 | Haec est pia interpretatio et vera subiectionis Domini Iesu, qui ideo se subiiciet, ut sit Deus omnibus in omnia. |